Agurra
Ongi etorri Barañaingo Udalaren web orrira.
Informazioaren eta Komunikazioaren Teknologiak pertsona ororen bizitzan funtsezko erremintak dira gaur egun. Ikasteko, lanerako, aisialdirako, lana bilatzeko, kontsultarako, … egunerokotasunean erabiltzera ohituak gaude jada.
Udalek teknologia hauek herritarren zerbitzura jarri behar dituzte. Komunikatzeko eta harremanetan jartzeko tresna bat eskaintzea da orri honen xedea, bai Barañaingo herritarrontzat, baita gure herria ezagutu nahi duten guztiontzat ere. Halaber, Udalaren jarduera ezagutaraztea eta administrazioko kudeaketak errazteko eta azkartzeko parada izatea ere ahalbideratu nahiko genuke.
Baina ez genuke nahi baliabide hau bide bakarrean mugitzerik. Izan ere, herritarrok egiten dituzuen ekarpenekin elikatu nahiko genuke orri hau, zuek baitzarete herri honen motorra.
Udalean lanean gabiltzanon partetik web orria bisitatzeagatik aldez aurretik eskerrak eman nahi dizkizuegu eta herriko kaleetan elkar ikusiko dugulakoan agurtzen zaituztegu.
BARAÑAINGO UDALA