Gabonetarako neurriak eta aholkuak - Ayuntamiento de Barañain/Barañaingo Udala

2020eko abenduak 17

Gabonetarako neurriak eta aholkuak

Foto noticia

Udala

Nafarroako Foru Komunitateko Lehendakariaren 29/2020 FORU DEKRETUA, abenduaren 14koa, zeinaren bidez prebentzio neurriak ezartzen baitira Nafarroako Foru Komunitatean, SARS-CoV-2ak eragindako kutsatzeen hedapena geldiarazteko.

MUGIKORTASUNA

Abenduaren 23tik 26ra eta abenduaren 30etik urtarrilaren 2ra, Nafarroara sartzeko eta bertatik irteteko baimena ematen da senideak edo gertukoak bisitatzeko.

Beharrezkoa da erantzukizuneko aitorpen hau bete eta inprimaturik eramatea egun horietan Foru Komunitatean sartu eta ateratzeko.

Abenduaren 24ko eta 31ko gauetan, Foru Komunitateko errepide eta kaleetan barna ibili ahal izango da 1:30 arte, etxetik kanpo afaldu ondoren etxera itzultzeko.

BILERAK ETA OSPAKIZUNAK

Abenduaren 24an, 25ean eta 31n eta urtarrilaren 1ean Gabonetako afariak eta bazkariak egiteko senideekin edo hurbilekoekin egiten diren bileretan, gehienez ere 10 lagun izanen dira, gehienez ere bi bizikidetza-unitatekoak.

GABONETAKO JARDUERAK

Ez dira onartuko betiko olentzeroak, erregeen kabalgatak, desfileak, kalejirak, “San Silvestre” lasterketak eta jende guztiarentzako kaleetako ospakizunak eta horien ondorioz emandako pilaketa arriskua.
Gabonetako azoka ttikiak aire zabalean, jaiotzen erakusketak eta Gabonetako ospakizunak, formatu ez tradizionalean, tokiko osasun agintaritzak espresuki baimendu beharko ditu.

Nafarroan hartutako ezohiko neurriei buruzko zalantzak