2023ko martxoak 13
M8 inguruko esaldi Lehiaketaren irabazleak
2023ko martxoaren 10ean, 11:30ean egindako bilkuran, aldez aurretik izendatutako epaimahaiari dei egin zitzaion “Martxoak 8, Emakumeen Nazioarteko Eguna” inguruko eta Bigarren Hezkuntzako hiru ikastetxeei zuzendutako esaldi-lehiaketan saritutako pertsonak hautatzeko.
Guztira 106 lan aurkeztu dira: 77 Santa Luisa BHIkoak eta 29 Alaitz BHIkoak. Aurten Barañaingo BHIk lehiaketan ez parte hartzea erabaki du.
Oinarrietan adierazitako irizpideekin bat ez datozen esaldiak baloraziotik kanpo uzten dituen aurre-hautaketa egiten da.
Aurkeztutako lanak baloratuta, honako hauek dira irabazleak:
- Alaitz BHIn Iraia Collado Ojeta “Ez zaitut nire gainetik ikusi nahi, nire parean baizik“.
- Michelle Torresek Santa Luisa BHIn aurkeztutako esaldia “Geure bizitzako protagonistak gara“.
Sari bakoitza Decathlon dendaren opari-txartel bat da, 100 €-tan baloratua.
Zorionak biei eta eskerrik asko parte hartu duzuen guztioi!
