Kirolak – Mugi zaitez Proiektua
Sin categorizar
Barañaingo Udalaren Kirol Arloa bat dator MUGI ZAITEZ PROIEKTUArekin. Aipatu proiektua Nafarroako Osasun Publikoaren eta Lan Osasunaren Institutuak sustatua da, Osasunerako Lehen Arreta Zerbitzuko Zuzendaritzarekin eta beste hainbat entitaterekin elkarlanean. Proiektuaren funtsa da aurre egitea gorantz doan gizarteko egoneko bizimoduari eta horrek dakartzan hainbat eritasun kronikori, eritasuna gertatu den kasuetan hobekuntza bilatzearekin batera. Helburua da bizimodu osasungarriagoa izatea, bizi-kalitatean gora eta menpekotasunean, aldiz, behera eginez. Lan ildoetako bat da gure ingurunea ariketa fisikorako errazgune bilakatzea, igogailuak dituzten udal eraikinetan eskailerak erabiltzea sustatzearekin batera.
Udal eraikinetan sartzen zarenean zoruan oinatzak ikusiko dituzu, eskailerak hartzeko bidea eginez. Oinatz horiek jarraituz gero eskailerak erabiltzen ahalko dituzu, igogailuaren ordez. Beraz, pentsa ezazu eskailerek hitz egiten dizutela eta entzun iezaiezu… “Ahal baduzu… erabil nazazu!”.
 |  |  |
| MUGI ZAITEZ PROIEKTUA kartela | MUGI ZAITEZ PROIEKTUA oinatzak | MUGI ZAITEZ PROIEKTUA igogailurako txartela |