Beste turismo-erakargarriak

KONSTITUZIO PARKEA, UDALERRIKO BIRIKA

Konstituzio Parkea Barañain udalerriko gune berde zabala da, aisialdirako tokia, batik bat eguraldi ona etortzen denean. Barañaindarrek primeran pasatzen dute bertan.

Parkeko lorategiek eta oinezkoentzako ibilbideek osagarri bikaina daukate, primerako erakargarria, parke bukaerako lakua hain zuzen ere. Lakuak erdialdean irla bat dauka, eta baita begiratoki zabala ere.
Ingurune hau sarritan erabili ohi da herriko festetako ikuskizunen eta abuztuko “Musika gauak” zikloaren barneko kontzertuen eszenatoki bezala, aire librean edozein jarduera egiteko anfiteatro natural aproposa eskaintzen baitu.

21 AGENDA

Barañain 1999. urtean bere Tokiko 21 Agenda garatzen hasi zen, Aalborg-eko Gutunari atxikitzearekin batera. Gutun hori Jasangarritasunerako Europako hiri eta herrien gutuna da hain zuzen ere (1994, Danimarka).

Gutunaren helburua jasangarria den hiri eredua sustatzea da, hiritarren bizi kalitatea hobetze aldera. Aldi berean, planetaren ekologia osotasunean mantendu nahi da, etorkizuneko belaunaldikoen ongizatea kolokan jarri gabe.

1999. eta 2000. urteetan Ingumen-diagnostikoa egin zen, 9 lerro estrategiko, 29 programa eta 79 ekintza eta, halaber, prozesu osoaren jarraipena egin ahal izateko Adierazleen Sistema zehaztu zituena.

Nabarmentzekoa den beste kontu bat udalerriak duen zuhaitz kopurua da. 1994. urtean eginiko ikerketa baten arabera, garai hartan 3.000 zuhaitz inguru zeuden jada (Lagunak Udal Elkartearen gune berdeak barne hartu gabe), eta 36 zuhaitz espezie ezberdin zentsatu ziren taxon nagusi bezala.

ARGA IBAI-PARKEA

Ur-ibilbideen balio naturala berreskuratzeko aurrerapauso handia da ibai-parkea; halaber, inguruneak bere balioa aberastea lortzen du.

Zonaldeko hainbat udalen -Iruña, Barañain, Zizur Nagusia, Esteribar, Uharte, Egues, Ezkabarte, Atarrabia eta Burlata herrietako udalen- lankidetzari esker, zoragarria den korridore berde bat eratzea lortzen ari da, hirigintza eta ekologia bikainki uztartzen dituena.

Arga ibaia eta Ultzama eta Elortz bere ibaiadarrak pasealeku bikaina, oinezkoentzako zein txirrindularientzako erabilgarria dena, gorpuzten duten zutabeak dira. Pasealekua, intereseko ibilbideak eskainiko dituzten hainbat xendek, atsegin hartzeko zenbait zonaldek eta, halaber, gaikako parkeek osatuko dute.

Barañaini dagozkion ekintza esanguratsuen artean atsegin hartzeko eta dibertimenduzko bi gune sortzea nabarmen ditzakegu. Lehenengoa iparraldean, Landaben-etik hurbil, zuhaitz eremu zabala izango duen ibar batean kokatuko da. Gune horretan kiosko bat, erretokiak, haurrentzako parkea eta ontziratzeko lekua, besteak beste, ipiniko dira. Bigarrena, Barañain eta Zizur udalerrien artean kokatuko da, zubi zaharraren eta trenbidearen ondoan, eta merenderoa eta erretokia izango ditu.