IMMIGRAZIO ZERBITZUA

April 11, 2013

ETORKINAK HARTZEKO PROGRAMA

LEHEN HARRERAKO PROGRAMAREN GARAPENA:

Informazio, orientazio eta aholkularitza zerbitzua da, doakoa, etorkinarentzat eta bertakoarentzat, atzerritarrei eta, batik bat, immigraziorekin lotutako gaiei buruzkoa.

Aldez aurretiko hitzordua eskatuta eskaintzen da arreta, astearteetan, 10:00etatik 13:30era. Hitzordua 012 Infolocal zerbitzuan eska daiteke, eta baita 948 19 92 49 telefonoan ere.

ETORKINEN FAMILIAK ELKARTZEKO GIZARTE-TXOSTENA IZAPIDETZEA:

Oinarrizko Gizarte Zerbitzuko Gizarte-langilearekin hitzordua eskatuko da. Telefonoa: 948 19 98 70.

BARAÑAINGO KULTUREN ARTEKO FOROA

BARAÑAINGO KULTUREN ARTEKO FOROA DINAMIZATZEA ETA SORTZEA:

Udalerriko eta kanpotik etorritako gizarte-ordezkarien arteko partaidetza, elkar hizketa eta trukea ahalbidetzeko plataforma da, immigrazioaren gaineko eskakizunak eta premiak hauteman eta planteatzeko, eta horiei buruzko informazioa emateko.

Foroak kulturen arteko guneak sortzea errazten du. Gune horiek ezinbestekoak dira bakean, errespetuan eta aberastasunean oinarritutako elkarbizitzarako, gure komunitatearen partaide diren kultura ezberdinetako pertsonek topaguneak izatea ahalbidetzen baitituzte. Gure komunitatean guztiok bizi behar dugu berdintasun eta elkarrekiko errespetu irizpideei jarraiki.

2004an udalerrian garatu zen Kulturen arteko foroak onetsitako proposamenak, eta baita foro horrek ondorengo saioetan landu dituenak ere, lehenetsi eta aurrera eramatea da xedea.

Norbaitek parte hartzeko interesik badu, immigrazio teknikariarekin jar daiteke harremanetan.

UDALERRIAK DITUEN BALIABIDEAK

Portada Guía de Recursos de Barañáin

HIZTEGI ELEANIZTUNA

KULTURARTEKO EGUTEGIA 2010

Kulturarteko Egutegiaren azala

Barañaingo Udalaren Immigrazio zerbitzuak Kulturarteko egutegia 2010 argitaratu du, udalerrian egiten den kulturarteko Topagunean antolatutako jardueren baitan, eta Lanerako eta Immigraziorako Ministerioak (Etorkinen Harrera eta Integraziorako Funtsaren babesean) eta Nafarroako Gobernuko Immigraziorako Bulegoak diruz lagunduta. Ikastetxeetarako eta institutuetarako material didaktikoa izatea du helburu, eta, era berean, izaera hezigarria (ez-arautua) duten beste hainbat entitateetarako ere bai: liburutegia, ludoteka, Baragazte, udalerriko beste elkarte eta kolektibo. Immigrazioak presentzia iraunkorra –eta handituz doana- baitu Barañaingo gure kaleetan; eta kulturen ezagutza tresna eraginkorra bihurtzen zaigu hurbilketarako eta elkarbizitzarako.

Egutegian Barañaingo herritarren erlijiozko ospakizun ezberdinak biltzen saiatu gara; halaber, nazioarteko egunak, errespetuarekin, tolerantziarekin, berdintasunarekin, aniztasunarekin, elkartasunarekin… lotuta daudenak. Halere, ohartzen gara ospakizun guztiak ez ditugula jaso, eta, argitu nahi dugu, zenbait egunetako ospakizunak data aldatuta izan dezaketela, ilargi-egutegiarekin gobernatzen baitira.

Urtarrilaren bata heltzen den bakoitzeko, urte berri bati hasiera ematen diogu mendebaldeko egutegian. Denbora neurtzeko modu bat da, ia unibertsala izanda ere, ez digunak eragotzi behar jakiten kultura askok mantentzen dutela –batez ere erlijiozko jaietarako- egutegi propioa. Zibilizazio ezberdinen historia luzeak urteak kontatzeko modu ezberdinetara garamatza.

Nazio Batuen Batzar Nagusiak Kulturen Hurreratzearen Nazioarteko Urtea izendatu du 2010a eta gomendatzen du arreta jartzea erlijioen eta kulturen elkarrizketaren, elkar ulertzearen eta lankidetzaren sustapenean, bakearen alde. Hori guztia oinarri batetik abiatuta: herri eta nazio guztien garapen kulturala gizon-emakumeen bizitza kulturalerako elkarren arteko aberastasunaren iturri dela, eta zibilizazioen arteko elkarrizketaren dimentsio garrantzitsu bat. Azken finean, heziketa da helburua; edozein moduko intolerantziari eta bereizkeriari aurre egiteko.

MUNDUKO HIZKUNTZA-ANIZTASUNA

HEMEN DITUZU IKASKETEN BALIOZTATZEARI BURUZKO ARGIBIDEAK

Balioztatzeari Buruzko Argibideak

AFEKTIBITATE-OSASUNA, SEXU-OSASUNA

Immigrazio Zerbitzua

ELIKADURA OSASUNGARRIRAKO OHITURAK


<< atzera